Neem deel aan Voorgrond se fotokompetisie en wen vet pryse! Verken Orania deur ‘n kameralens en stuur vir ons jou mooiste foto’s.
Foto’s in die volgende kategorieë sal oorweeg word:
- Vakansiefoto’s
- Arbeidsfoto’s
- Kunsfoto’s, byvoorbeeld foto’s wat relevante idees soos Vryheid uitbeeld
Reëls:
Jy kan soveel foto’s instuur as wat jy wil.
Foto’s moet in VOLGROOTTE ge-epos word na: redakteur@orania.co.za
Die resolusie van die foto’s moet nie minder as 6 megapixels of 300 dpi wees nie, maar nie groter as 2 Megagrepe nie.
Die foto’s moet in Orania geneem wees.
Die Orania Beweging behou hom die reg voor om ingeskrewe foto’s vir publikasie te gebruik.
Die Orania Oewerhotel behou hom die reg voor om wenfoto’s vir die druk van poskaarte te gebruik.
Die sluitdatum is 31 Januarie 2010.
Indien foto’s nie aan die vereiste standaard voldoen nie, sal die pryse nie toegeken word nie.
Stuur die foto saam met jou naam, adres, e-posadres en selfoonnommer. Stuur ook ‘n kort beskrywing van die foto, sowel as die datum waarop die foto geneem is.
Die wenners sal op10 Februarie 2010 op hierdie webwerf bekend gemaak word.
Pryse:
Eerste Prys: Oornagverblyf in die Orania Oewerhotel, ontbyt en aandete ingesluit, asook ‘n halfuur behandeling by die Orania Rivier Spa vir twee persone.
Tweede Prys: Oornagverblyf in ‘n houthuis in die Oewerpark met aandete en ‘n stoomsessie by die Spa vir twee persone.
Derde prys: ‘n Geskenkbewys ter waarde van R150 van die Orania Beweging.