Orania Kunsteraad
‘n Jong, ontwikkelende gemeenskap soos Orania loop die risiko om net deur ekonomiese belange op sleeptou geneem te word. Daarom is dit van groot belang dat die Orania Kunsteraad (OKeR) nog steeds van krag tot krag gaan.
OKeR is getuie van die waarde wat Oraniërs aan die uitvoerende kunste, maar veral aan deelname daaraan, heg. OkeR se koper- en houtblaasensemble verleen kleur aan geleenthede binne en buite die dorp.
Lydia Potgieter gee sangklasse aan ‘n hele paar jongmense in die dorp. Ook Esmien Kruger (‘n uitwoner en groot bydraer tot Orania se kuns atmosfeer) gee sang en musiekklasse.
Daarby het OKeR onlangs ook die kernversameling van prof PC Coetzee se unieke boekery, van mev Kotie Roodt-Coetzee ontvang. Sy het die sowat tweeduisend boeke met rakke en al en onder streng voorwaardes aan OkeR geskenk. Dit word tans in OKeR se lokaal geselekteer en vir naslaandoeleindes voorberei.
Kontakpersoon:
Adelaide Boshoff
Tel. 053 207 0115